O proxecto do Estruming 2013 foron unhas xornadas enfocadas ao intercambio de experiencias e ideas entre profesionais e emprendedores/as do rural.

Os obxectivos principais das sesións que se realizaron consistían na facilitación de informacións prácticas e asesoramento ás empresas, na visualización e potenciación de iniciativas innovadoras no rural galego, na creación de redes de contactos entre profesionais e na divulgación de aspectos estratéxicos e innovadores que se poden integrar na empresa para gañar competitividade.

As tres sesións das xornadas xiraron arredor dos seguintes conceptos:

- Investigación, a descuberta co I+D do valor engadido dos recursos naturais

- Tecnoloxía, a descuberta de novos mercados e modelos de comercialización e produción

- Deseño, a descuberta dunha linguaxe propia e actual que seduce a un público global